Der Kleine Willi mit den großen Sprüchen

Österreich wird wieder regiert!

A hålb´s Jåhr håt´s dauert, so kå´ ma´ såg´n,

dass ma´ endli´ wieder a Regierung håb´n.

Die Verhåndlungen san net ernsthåft g´führt word´n, so kimmt mir vir,

oamål viri, oamål z´ruck – horuck, dies is Wirtshausmanier.

I såg, wånn si´ die Politiker net mehr bemiah´n,

soll´ns fia die Zeit der Verhåndlungen koa Bezåhlung kriag´n.

Die Bevölkerung muaß hiaz a finanzielle Einbuß´n hi´nehma,

dass ma den greoß´n Schuld´nberg kinnan stemma.

A Beweis der Unfähigkeit unserer Politiker is gånz g´wiß,

dass unser Stååt bankrott hiaz is.

Wer im privaten Bereich die eigenen Finanzen net beherrsch´n kå´,

dem wird a Såchwålter beig´stellt, dies såg i scho.

Die Måßnåhmen der Politiker g´hearn mit Håftungen belegt,

dånn sich jeder „G´scheitheitsapostel“ verantwortungsloses Håndeln iwalegt!

 A påår Jåhr Praxis-Årbat nåch´n Studium, wa´ a Vorteil gånz bestimmt,

weil dådurch in eahnere g´stutierte Kopf a Vanunft ei´kimmt.

GEDICHT VON WILLI HOPFNER