Der Kleine Willi mit den großen Sprüchen

Koalitionsverhandlungen

Die Verhåndlungen va ÖVP, SPÖ und NEOS san gescheitert

und die Möglichkeit´n  zan Taktier´n san enger wår´n, stått erweitert.

Da Bundespräsident und a die ÖVP håb´n si´geg´n a Koalition mit der FPÖ g´wehrt,

åber ånders åls deren Wunsch, wår da Verlauf und die Vorgåb´n håb´n si´ umgekehrt.

Die ÖVP kimmt damit in a gånz unangenehme Position

und dås bringt ihr va vüle Wähler, Spott und Hohn.

Dass den Kickl neamt wü´ und braucht, håt da Stocker ausag´spuckt in seinen Red´n,

a påar Tåg späta muaß er mit oaner 180-Grad-Wendung, kloa beigeb´m.

Greoße Sprüche, net vü´ dahinter, wås kå´ ma´ va die Aussåg´n der Politiker glaub´n,

solche Wortbrüche, schwäch´n in der Bevölkerung, oiweil mehr dås Vertrau´n.

Da Nehammer håt si´ mit dem wås er geg´n Herbert Kickl, håt quaglt,

scho vor da Wåhl, die Haxn va sein Sess´l  å´gsaglt.

Dies Beispü´ zoagt oamal mehr, den Politikern kå´ ma neta råt´n,

si´ soll´n, bevor´s s´Mäu´ afmåchan, nå´denga, wås såg´n.

GEDICHT VON WILLI HOPFNER