Kurz is net länger ..
Gedicht von Hopfner Willi
Kurz is net länger
Hiaz wiss´n ma ålle, wia lång, dass kurz is,
kurz is net länger, åls wia da Kurz wår, dies is g´wiß.
A wånn´s net lusti´ is, måch i a Wortspü´ då d´raus,
schnell is er a´fg´stieg´n und schnell wår´s mit eahm aus.
Wås soll ma såg´n, wånn ma die Fakt´n dahinter net kennt
und net woaß, wås då im Hintergrund rennt.
Wånn ma den Wechs´l der Politiker å´schaut, då kå´ ma såg´n,
dass ma scho ähnliche Verhältnisse wia in Italien håb´m.
A påar Jåhrzehnt´ wånn ma z´ruckschaut, då håt´s dies net geb´m,
då san ehrenwerte Politiker lång in eahnere Funktionen oft g´wen.
Da Unterschiead va friaher und heut´, dies moa i g´wiß,
dass Ånstånd und Moral den Politikern vüfåch fremd word´n is.
Wås Recht und Unrecht is, so måncher nimmer g´spiaht
und so eahm sei Vorgeh´ zan Verhängnis dånn wird.
