Der kleine Willi mit den großen Sprüchen
Seine Gedanken zu den aktuellen Treibstoff-Preisen
Die Preise fia Benzin, Diesel und Heizöl san hiaz stårk ång´stieg´n,
die Wirtschåft und die Konsumenten jammern, die Preise san iwatrieb´m.
Die Regierung muaß Geg´nmåßnåhmen ergreif´n
und die Ölkonzerne hiaz a z´ruckpfeif´n.
New Orleans kimmt den Konzernen gråd richti´ g´leg´n
denn af a so a Katastroph´n kå´ ma si´ mit die Preise sche ausred´n.
Selt´n a Schåd´n wo net a a Nutz´n, a då des Sprichwort stimmt,
weil mit die Preise a Umdenk´n ba da Energienutzung kimmt.
Die Treibstoffpreise treff´n uns alle hårt
und trotzdem g´frei i mi´ d´rüber, denn i håb scho lång draf g´wårt´.
Denn die Biomasseheizungen werd´n hiaz stårk forciert
und dies net nur die Wirtschåft, sondern a die Umwelt g´spiert.
Dies miaßat uns åller Interesse sei´,
do´mit´n Red´n alloa bringst dies in die Köpf net ei´.
Da Preis is oiweil scho a guat´s Lenkungsmittel g´wen,
sovü kå ma nia bewirk´n, alloa mit´n red´n.